أول أداة للتفكير اتعلمها الأولاد معانا كانت أداة PMI ودي اختصار لثلاث كلمات هي ( PLUS, MINUS, INTERESTS ) ومعناها الإيجابيات والسلبيات والأفكار المثيرة ..
الأداة دي هدفها انها تمنع الحكم على الأشياء بشكل عشوائي أو النظر ليها من جانب واحد فقط ..
ولكن علشان ناخد قرار صح لازم يكون تقييمنا حيادي وننظر للأمور من جميع الجهات وننظر لإيجابيات الموضوع أو الفكرة أو الشئ وسلبياته وكمان الأشياء اللي لفتت انتباهي فيه وأثارت فضولي أو أفكار جديدة ومجنونة ممكن أطلعها من الفكرة بتاعتي ..
طب ناخد مثال ..
عرضنا على الأولاد مثال من حياتهم اليومية وهو "الذهاب إلى المصيف"..
الإيجابيات ممكن تكون :
* الاستمتاع.
*حاشوف أصحابي.
*ألعب بالرمل وابني بيوت وقلاع.
*الجو حايكون ألطف.
*حاسهر براحتي .
طيب السلبيات بقى ممكن تكون إيه ؟؟
*أنسى العوامة.
*حاتعب من اللعب الكتير.
* حاتحرق من الشمس والبحر.
*فلوسنا حاتخلص.
*حاتعب من اللعب الكتير.
* حاتحرق من الشمس والبحر.
*فلوسنا حاتخلص.
طيب الأفكار المثيرة :
* نوفر فلوس الشاليه أو الفندق ونبني خيمة على الشط علطول. 
وهكذا ...
لاحظتم إزاي بنشوف أبعاد الموضوع ككل وده بيخلينا متوقعين الأحداث وبنستعد ليها صح وبتجنب الأطفال نوبات الغضب الكثيرة اللي بتكون ناتجة عن الإحباط لأنهم كانوا شايفين الدنيا وردي بسوماخدوش بالهم من الجزء الرمادي ..
خلينا نطبق مع نفسنا وأولادنا الأداة دي خلال الأسبوع في كل مواقف حياتنا .. في الأول حاتكون غريبة علينا لكن بالتعود حايكون التفكير الموضوعي أسلوب حياة ..
انفصال الاب والام والام والاولاد في بيت والاب في بيت
ردحذفممكن يكون ايه المثير